Tramp NATO-nyň sammitiniň başynda tankydy çykyş etdi
Tramp Germaniýanyň ABŞ-nyň ony “Orsýetden goramagyny” garaşýarka Moskwa bilen bahasy “milliardlarça dollarlyk” gaz geçiriji boýunça ylalaşyk baglaşýandygyny belledi.
11-nji iýulda NATO-nyň baş sekretary Jens Stoltenberg bilen nahar başyndaky duşuşykda eden çykyşynda Tramp: “Biz Germaniýany goraýarys. Biz Fransiýany goraýarys. Biz her kimi goraýarys” diýdi. Şeýle-de sözüniň üstüne goşup, “bu biziň ýurdumyza adalatsyzlyk. Bu biziň salgyt töleýjilerimiz üçin adalatsyz” diýip belledi.
Häzirki sammitiň NATO-nyň iň çylşyrymly duşuşyklarynyň biri bolmagy çak edilýär. Tramp NATO-nyň agzalarynyň harby çykdajylaryny artdyrmagy üçin basyş edip gelýär.