Owganystandaky ýer süýşmesi 10 adamy öldürip, 300 jaýy weýran etdi
Pänjşir welaýatyna, 11-nji iýul güni giçlik betbagtçylyk bolan ýere iki dikuçarda halas ediş topary bilen adatdan daşary kömek ugradyldy.
Adatdan daşary ýagdaýlar müdirliginiň sözçüsi Omar Mohammadi halas ediş toparlarynyň 12-nji iýulda Hinj etrabynda heläkçilige uçran adamlary gözlemek bilen meşgullanandygyny aýtdy.
Kabuldan 140 kilometr çemesi demirgazykda ýerleşýän Pänjşir öz garly belentlikleri bilen tanalýan syýahatçylyk künjegi bolup durýar.