Новости за 13.12.2023

Marynyň häkimiýetleri edara-kärhanalaryň işgärlerinden, pagta önümçiligi bilen bagly, ýene pul ýygnap başladylar. Pul bermekden boýun gaçyran býujet işgärleri gorkuzmalara sezewar edilip, dil hat ýazmaga mejbur edilýär. Bu barada Azatlyk Radiosynyň habarçysy 13-nji dekabrda sebitden maglumat berdi.

Aşgabadyň döwlet dükanlarynda we söwda nokatlarynda ýeňillikli bahadan satylýan bitin towuk etiniň söwdasy kadaly görnüşde ýola goýlup başlandy. Bu waka, paýtagtda arzan towugyň söwdasyndaky gözboýagçylyklar barada Azatlyk Radiosynda çap edilen maglumatdan birnäçe gün soňa gabat geldi.