10-njy iýunda Aşgabadyň 7-nji banýasynda, ýagny hammamynda bir aýal öli tapyldy. Polisiýa hammamyň işgäridigi aýdylýan aýalyň ölümi bilen ilteşikli birnäçe adamy tussag etdi. Bu barada Azatlyk Radiosynyň biri-birinden habarsyz iki çeşmesi aýry-aýrylykda maglumat berdi.
Balkan welaýatynyň Türkmenbaşy şäheriniň çagalar baglarynda döwlet tarapyndan körpelere berilýän iýmitiň ýolbaşçylar tarapyndan ogurlanmagy görlüp-eşidilmedik derjelere ýetdi diýip, mekdebe çenli bilim edaralarynyň işgärleri aýdýarlar.
Mary welaýatynda aýallaryň arasynda düwnük keseliniň (rak) köpelmegi bilen bagly dowam edýän aladalaryň fonunda, sebitiň saglyk öýlerinde gelin-gyzlaryň arasynda geçirilýän ginekologiýa barlaglary batlanýar. Bu barada Azatlyk Radiosynyň habarçysy 21-nji iýunda sebitden maglumat berdi.
Şu günler Türkmenistanda yssy howa dowam edýär. Munuň bilen baglylykda, ýurduň Mary welaýatynda çagalaryň arasynda içgeçme, beden gyzgynynyň ýokarlanmagy ýaly keselçilik hadysalary köpelýär. Lukmanlar ýerli keselhanalara ýüz tutýan näsaglaryň sanynyň göz-görtele artandygyny aýdýarlar.