“Talyban” söweşijileri Owganystanda 7 polisiýa ofiserini öldürdi

“Talyban” söweşijileri Kabulyň demirgazyk-günbataryndaky Kapisa welaýatynda barlag nokadyna hüjüm edip, alty sany polisiýa ofiserini öldürdi diýip, resmiler 5-nji oktýabrda aýtdy.


Welaýat geňeşiniň agzalary Mohammad Hussain Sanjani we Mohammd Mahfooz Safi “Talybanyň” öten agşam gyrak-çetdäki Nejrad etrabynda eden hüjüminde ýene üç ofiseriň ýaraly bolandygyny aýtdy.


Olar “Talybanyň” Nejratda hem ornaşyp, käte bu ýerdäki barlag nokatlaryna hüjüm edýändigini gürrüň berdiler.


4-nji oktýabr agşamy Owganystanyň Balh welaýatynyň Zareh etrabynyň polisiýa başlygy golaýda talyban jeňçilerinden alan ok ýarasyndan jan berdi.


Bu hüjümler talyban gepleşikçileriniň Yslamabatda ABŞ-nyň parahatçylyk wekili Zalmaý Halylzad bilen prezident Donald Tramp parahatçlyk prosesi “öldi” diýeli bäri ilkinji gezek duşuşandyklaryny yglan eden wagtynda bolýar.