Ermeni prezidenti koronawirusa ýolugdy
67 ýaşly Sarkisýan Britaniýanyň paýtagtyna aýagynda geçirilmeli operasiýa üçin sapar edipdi. Ermenistanyň habar serişdeleriniň 5-nji ýanwarda beren maglumatyna görä, Sarkisýanda ol ýerde koronaiwirus alamatlary ýüze çykypdyr.
Maglumatlara görä, Sarkisýan özüni üzňeleşdirip, işlemegini dowam etdirýär.
Londonda COVID-19 bilen keselleýänleriň sany gürelýär. Bu britan paýtagtynda we Angliýanyň günorta sebitlerinde koronawirusyň adamdan-adama has aňsatlyk bilen geçýän täze ştammynyň ýaýramagynyň arasynda bolup geçýär.
Britan premýer-ministri Boris Jonson, wirusyň ýaýramak gerimini gowşatmak maksady bilen, 4-nji ýanwarda Angliýada nobatdaky petiklenme çärelerini yglan edipdi.
Geçen ýyl Ermenistanyň premýer-ministri Nikol Paşiniýan hem koronawirus bilen keselläpdi.
Ermenistanda koronawirusa 160 müň adam ýolugdy, şeýle-de wirus sebäpli 2 müň 800 adam öldi.