Goldawçylary: Eýran protest wagtynda tutulan aktiwiste bäş ýyl iş kesdi
Kanunylygyny ykrar etmeýändigini aýdyp, Iraee şikaýat kazyýetiniň özüne garşy çykaran hökümi sebäpli geçirilen diňlenişigine gatnaşmakdan ýüz öwürdi. Kazyýet ony bikanun ýygnanyşyklara gatnaşmakda we milli howpsuzlyga wehim salmakda aýyplady.
Tanymal aktiwist geçen sentýabrda, aýal-gyzlaryň berk geýim-eşik düzgünlerini bozandygy üçin diýlip saklananda ýogalan Mahsa Amininiň ölümi sebäpli başlanan protest hereketiniň başynda, polisiýanyň öýüne eden reýdi netijesinde tussag edildi.