Türkmenistanda Halk maslahatynyň Ýaşulular geňeşi döredildi

Halk maslahatynyň başlygy Gurbanguly Berdimuhamedow 18-nji iýulda Türkmenistanyň Halk maslahatynyň prezidiumynyň Halk maslahatynyň Ýaşulular geňeşini döretmek hakyndaky kararyna gol çekdi.


Bu kararyň ýaşululary döwletiň jemgyýetçilik durmuşyna işjeň çekmek, halkyň jebisligini pugtalandyrmakda we döwlet ähmiýetli meseleleri parasatlylyk bilen maslahatlaşyp çözmekde olaryň baý zähmet hem-de durmuş tejribesini peýdalanmak maksadynda ugur alýandygy aýdylýar.


Türkmenistanda ýaşulular garaşsyzlygyň başky ýyllaryndan başlap syýasata çekildi we synçylar olaryň döwlet baştutanynyň alyp barýan syýasatyny tassyklatmak üçin ulanylýandygyny aýdýarlar.