Gazagystanda protestler wagtynda öldürilen 4 ýaşly çaga bilen bagly kazyýet işi başlandy
Aýkorkem Meldekhan Almatyda, resmi derňewlere yşarat etmegine görä, harby işgärler tarapyndan atylyp öldürildi. Ol 2022-nji ýylyň 7-nji ýanwarynda öz maşgala agzalary bilen awtoulagly azyk dükanyna barýan wagtynda öldürildi. awtoulaga azyndan 20 ok atyldy we netijede Aýkorkemiň 15 ýaşly aýal dogany hem ýaralandy.
Kazyýet-derňew işi netijesinde oklaryň harbylar tarapyndan ulanylýan ýaraglardan atylandygy anyklandy. Bu işde aýyplanýan harby gullukçy Aýdos Žuman 26-njy iýulda, harby kazyýetde başlanan kazyýet işiniň başynda öz ygtyýarlyklarynyň çäginden çykyp ýarag ulanmak we çaga ölümine sebäp bolmak babatynda bildirilen aýyplamalar boýunça özüni günäkär hasaplamaýandygyny aýtdy.
Eger-de günäli tapylsa, Žuman ýedi ýyla çenli azatlykdan mahrum edilip bilner.