Saud Arabystany Türkmenistana ýene 25 tonna hurma iberdi
Saud Arabystanynyň ilçihanasynyň binasynda patyşa Salman adyndaky goldaw-hemaýat merkeziniň iberen 25 tonna hurmasyny gowşurmaga bagyşlanan dabara patyşalygyň Aşgabatdaky ilçisiniň wezipesini ýerine ýetirýän wekil Nawaf Al-Raşid, Türkmenistanyň dini edarasynyň wekilleri gatnaşdylar.
Habarda bellenmegine görä, sowgat berlen hurmalar ýurduň metjitlerine we dini edaralaryna paýlanylar.
Türkmen metbugaty bu wakanyň “iki ýurduň arasyndaky özara gatnaşyklaryň pugtalandyrylýandygynyň ýene-de bir aýdyň güwäsi bolandygyny” belledi.
Saud Arabystany Türkmenistana geçen ýylda hem 25 tonna hurmany sowgat beripdi.