Germaniýada möhletden irki saýlawlarda konserwatiw blogy ýeňiş gazandy

Germaniýada geçirilen möhletden irki parlament saýlawlarynyň netijeleri yglan edildi. Federal Saýlaw Komissiýasynyň 299 okrugda sesleri sanandan soň beren maglumatlaryna görä, birinji orny Fridrih Merziň Hristian Demokratik Bileleşiginiň we Hristian Sosial Bileleşiginiň (CDU / CSU) konserwatiw blogy eýeledi.

Ikinji ýerde 20,8% ses alan "Germaniýa üçin alternatiwa" (AfD) aşa sagçy partiýasy barýar.

Üçünji orny 16,4% ses toplan häzirki kansler Olaf Şolzyň Sosial-demokratik partiýasy (SPD) eýeleýär. Dördünji orunda 11,6% ses alyp, ýaşyllar partiýasy we bäşinji ýerde 8,7% ses bilen çepçi partiýasy.

Saýlawlara gatnaşan ýene iki partiýa zerur 5%-lik derejeden geçip bilmedi.

Saýlawlarda birinji bolan hem bolsa, Fridrih Merziň blogy Bundestagda köplüge eýe bolmaz, munuň üçin 630-dan 316 orna eýe bolmak gerek. Merz saýlawlarda ikinji orny eýelän "Germaniýa üçin alternatiwa" atly sagçy partiýa bileleşik koalisiýa döretmejegini aýtdy.

Geljekki kansler 20-nji aprele çenli hökümeti düzmek niýetini yglan etdi.