Türkmenistan Azatlyk öýüniň täze hasabatynda 100 baldan 1 bal aldy

Düýbi Birleşen Ştatlarda ýerleşýän Azatlyk öýi (Freedom House) guramasy dünýäde erkinlikleriň ýagdaýy boýunça taýýarlan nobatdaky hasabatyny çap etdi.


Hasabatda Türkmenistan 100 baldan 1 bal alyp, “ýamanyň ýamany” kategoriýasyna ýerleşdirildi.


Bu ýurt raýat azatlyklarynyň ýagdaýyna bagyşlanan bölümde 2 bal, syýasay azatlyklar babatynda 0 bal alypdyr. Türkmenistanda erkin saýlawlara we syýasy köpdürlilige ýol berilmeýär. Adam azatlyklary babatynda aýdylanda bolsa, häkimiýetler raýatlaryň söz, metbugat, din-wyždan we hereket azatlyklaryny çäklendirmekde tankyt edilýär.


Azatlyk öýi tutuş dünýäde ynsan erkinlikleriniň ýagdaýynyň 19 ýyl bäri yza tesip gelýändigini aýdýar.