Qırımdaki «Hizb ut-Tahrir davasınıñ» mabüsi Mecit Abdurahmanovnıñ sağlığı pek fenalaştı – Denisova
Rostov-na-Donu (Rusiye) №1 tahqiqat izolâtorında tutulğan Aqmescitteki ekinci «Hizb ut-Tahrir davasınıñ» mabüsi Mecit Abdurahmanovnıñ sağlıq vaziyeti pek fenalaştı. Bu aqta Ukraina Yuqarı Radasınıñ insan aqları vekâletlisi Lüdmila Denisova Facebook saifesinde bildirdi. «Mecit Abdurahmanov sırtı ağıra, dep şikâyet ete, özü areket etip olamay. Mecitniñ daa bir mahkeme oturışuvında bulunması içün oña yerli anesteziya yapıldı. Bundan soñ areket etmesi içün mahsus tibbiy vasta yardımmınen mahkemege ketirildi», – dep aytıla haberde. Читать дальше...