Мәскәү шәһәре мәхкәмәсе "Гоголь үзәге" сәнгать җитәкчесе Кирилл Серебренников һәм мәдәният министрлыгы каршындагы сәнгатькә дәүләт ярдәме департаментының элекке җитәкчесе Софья Апфельбаумның мөрәҗәгатьләрен кире какты.
Башкортстаннан хаҗ кылучыларның тәүге төркеме Мәккәгә юлланды. Тәүге 49 хаҗи тәүдә Тукай мәчетендә җыелды. Аларга чит илдә үзеңне ничек тотарга, хаҗ кылу үзенчәлекләре турында сөйләделәр. Булачак хаҗиларга виза белән паспорт, Мәккә һәм Мәдинәгә хаҗ кылу үзенчәлекләре турында китаплар да бирелде. Хаҗилар Мәккәгә бер тәүлектән барып җитәчәк. 12 августка тиклем хаҗиларның тагын өч төркеме юлга чыга. Быел Русиядән изге урыннарга сәфәр кылырга теләүчеләрдән 1600 кеше Мәккәгә Башкортстан туроператоры аша барачак.
Тәүге 49 хаҗи тәүдә Тукай мәчетендә җыелды. Аларга чит илдә үзеңне ничек тотарга, хаҗ кылу үзенчәлекләре турында сөйләделәр. Булачак хаҗиларга виза белән паспорт, Мәккә һәм Мәдинәгә хаҗ кылу үзенчәлекләре турында китаплар да бирелде. Хаҗилар Мәккәгә бер тәүлектән барып җитәчәк. 12 августка тиклем хаҗиларның тагын өч төркеме юлга чыга. Быел Русиядән изге урыннарга сәфәр кылырга теләүчеләрдән 1600 кеше Мәккәгә Башкортстан туроператоры аша барачак.
Башкортстаннан күчеп китүчеләр саны 2018 елның беренче ярты елында былтыргы шушы вакыт белән чагыштырганда 1,5 тапкыр арткан. Бу хакта республика премьер-министры Рөстәм Мәрданов дүшәмбе узган киңәшмәдә хәбәр иткән.
Вконтакте социаль челтәре кергән Mail.ru Group ширкәте репостлар һәм лайклар өчен "гаделсез хөкем ителгәннәрне" амнистия белән иреккә чыгарырга һәм киләчәктә мондый очраклар өчен җинаять җаваплылыгын бетерергә чакырды.
10 август КПРФ Түбән Камада пенсия реформасына каршы митинг уздырырга җыена. Чара хакимиятләр белән килештерелгән.
Русиянең икътисади үсеш министрлыгы торак-коммуналь хуҗалык тарифларында өстәмә кыйммәт салымы (НДС) арттырылуын исәпкә алырга тәкъдим итә. Бу исә тарифларның артуына китерәчәк.
Британия премьер-министры Тереза Мэйдан "татар милли хәрәкәте лидерларының берсе Рәфис Кашаповка җинаять эше ачылу сәбәпле, аңа сәяси сыену бирүне тизәйтүдә" ярдәм сорыйлар.
Кырымтатарлар яшәгән Стрелковая бистәсен төзелеш ширкәте коймалар белән уратып алганнан соң бистәгә керергә бер генә урын калдырылган. 6 август активистлар халыкны Акмәчет шәһәр идарәсе каршына җыелырга чакырды.