Новости за 25.04.2024

Әлмәттә «Яшел ут-2024» республика смотр-конкурсының семинар-киңәшмәсе узды, анда Татарстаннан 49 балалар бакчасы һәм 48 тәрбияче катнашты. Бу хакта «Әлмәт таңнары» хәбәр итә.

Россия Президенты Владимир Путин май аенда эш сәфәре белән Кытайга барырга планлаштыра. Бу хакта Россия сәнәгатьчеләр һәм эшмәкәрләр берлеге съездының пленар утырышы вакытында билгеле була. Шунда залда булганнарның берсе дәүләт башлыгына Николай Чернышевскийның « Что делать?» китабын бирә, ул аны Кытай Республикасы Рәисе Си Цзиньпинга бүләк итеп тапшыруын сорый.

Татарстан Республикасының мобиль отряды Оренбург өлкәсендә су басу нәтиҗәләрен бетерү буенча эшен тәмамлый һәм иртәгә туган якка кайта.

Татарстан Африка дәүләтләре белән хезмәттәшлеккә аерым игътибар бирә, төбәкара һәм муниципальара элемтәләрне киңәйтә. Бу хакта ТР Дәүләт Советы Рәисе, Халыкара хезмәттәшлек проблемалары буенча комиссия рәисе Фәрит Мөхәммәтшин Санкт-Петербургта комиссия утырышында әйтте.

Һәр граждан сроклы хезмәтне контракт хезмәтенә алмаштыра ала. Бу хакта «Татар-информ»га контракт буенча хезмәткә сайлап алу пункты офицеры Егор Горячев хәбәр итте.

Алдагы елларда Россиядә кадрлар кытлыгы булачак. Бу проблеманы чит илләрдән түбән квалификацияле эшче көч кертү ярдәмендә хәл итеп булмый, яңа алымнар кирәк. Бу хакта Президент Владимир Путин Россия сәнәгатьчеләр һәм эшмәкәрләр берлеге съездында белдерде.

2024 елның гыйнварында реаль хезмәт хакы 8,5 процентка арткан, ә 2023 ел нәтиҗәләре буенча гражданнарның керемнәре үсеше 5,4 процент тәшкил иткән. Бу хакта Президент Владимир Путин Россия сәнәгатьчеләр һәм эшмәкәрләр берлеге съездында белдерде. Трансляция Кремль телеграм-каналында узды.

Сатулар башланганнан бирле БРИКС уеннарын оештыручылар 100 меңнең 4,5 мең билетын саткан. Бу хакта Татарстан спорт министры Владимир Леонов «Россия» күргәзмә-форумында «Спорт. Киләчәк мөмкинлекләре» пленар утырышында сөйләде, дип хәбәр итә ТАСС агентлыгы.

Татарстан Рәисе Рөстәм Миңнеханов Россия венчур фондлары һәм инвестиция компанияләре вәкилләре белән очрашты. Очрашу XVIII Россия венчур форумы кысаларында узды, дип хәбәр итә республика җитәкчесе матбугат хезмәте.

«Апуш» балалар татар театр студиясенең «Кечтүк» спектакле «Театраль Идел буе» балалар һәм яшьләр театр коллективлары фестиваленең V юбилей сезоны лауреаты булды. Коллектив «Иң яхшы балалар спектакле» номинациясендә II алды.

Татарстан Рәисе Рөстәм Миңнеханов RSC сәнәгать инвестицияләре фонды идарәчесе Лю Хуэйцин җитәкчелегендәге Кытай делегациясе әгъзалары белән очрашты. Очрашу XVIII Россия венчур форумы кысаларында узды, анда КХР вәкилләре катнаша, дип хәбәр итә республика җитәкчесе матбугат хезмәте.

Татарстан су каналлары су белән тәэмин итү һәм ташландык суларны агызу өлкәсендәге тарифларны 50 процентка арттырырга тәкъдим итә. ТР Тарифлар буенча Дәүләт комитетында фикер алышу вакытында яңгыраган тәкъдим турында үзенең социаль челтәрләрендә «Челныводоканал» сөйләде.

Европарламент Русиядәге барлык сәяси тоткыннарны, шул исәптән Азатлык радиосының татар-башкорт редакциясе журналисты Алсу Кормашева һәм  The Wall Street Journal хәбәрчесе Эван Гершковичны кичекмәстән азат итәргә чакырган резолюция кабул итте.

Татарстан Рәисе Рөстәм Миңнеханов Россия Мәгариф һәм фән министрлыгы башлыгы Валерий Фальков белән очрашты. Бу хакта ТР җитәкчесе матбугат хезмәте хәбәр итә.

Татарстан Республикасы Рәисе Рөстәм Миңнеханов «Тәртип» радиосының оешуына 10 ел булу уңаеннан аның баш мөхәррире Ризәлә Исмәгыйлевага телеграмма юллады.

Казанда метрополитенның икенче линиясенең беренче участогын төзүгә тагын 995,3 млн сум акча бүлеп бирелә. Тиешле тендер дәүләт сатып алулары порталында басылып чыкты.

Татарстан башкаласында 8-9 июньдә Җәйге китап фестивале узачак. Чаралар берничә мәйданчыкта оештырыла: «Черек күл» паркы, ТР Милли китапханәсе һәм «Смена» заманча мәдәният үзәге. Бу хакта Казан мэриясе матбугат хезмәте хәбәр итә.

Кабул ителгән резолюция текстында Русиядә узган сайлаулар "фарс" дип  атала, ә Путин турында әйткәндә махсус рәвештә "президент" сүзен кулланмыйлар.

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Беларусь Республикасының Минск шәһәрендә. Биредә ул Минск шәһәрендә яшәүче милләттәшләребез белән очрашты. Бу хакта Бөтендөнья татар конгрессы матбугат хезмәте хәбәр итә.

Во Дворце бракосочетаний Нурлата чествовали тех, кто вместе уже полвека и даже больше.

С 15 мая в Казани начнет работу пункт, где бойцы СВО смогут пройти отбор в кадровую программу «Время героев».

В различных спортивных дисциплинах состязались 6 сборных команд Южной конференции.

Татарстанның 14 хезмәт династиясен хөрмәтләү Казан Кремлендә узды. Төрле өлкәләрдә— мәгариф, сәламәтлек саклау, ветеринария, авиасәнәгать,социаль яклау, нефть чыгару һәм башка тармакларда эшләгән династияләрнең гомуми хезмәт стажы дистәләгән һәм йөзләгән еллардан да артык. Чара Гаилә елында, 1 Май – Хезмәт һәм яз бәйрәме алдыннан узды.

На поля вышли труженики хозяйств «Аграрий», «Нурлат сэте» и «ВЗП-Билярск».

Ежедневный оперативный прогноз возникновения чрезвычайных ситуаций на территории Нурлатского района на 26 апреля 2024 года.