Самара дәүләт мәдәният институты бәйгесендә «Чәйгә» татар биюе җиңде
Самара өлкәсендә студентларның «Первый план» балетмейстер эшләре конкурсында Самара дәүләт мәдәният институтының хореография кафедрасы студентлары башкаруында «Чәйгә» дип аталган татар биюе җиңгән. «Самара татарлары» сайты шул турыда хәбәр итә.
Бәйге Самара мәдәният институтында узган. Хореография кафедрасы укытучылары идеясен 36 студент хуплаган. Жюри солистларны һәм коллективларны «Балетмейстерлык эше» һәм «Башкару осталыгы» номинацияләрендә бәяләгән.
Гран-прига Лиза Савикова лаек булды. Жюри әгъзалары «Чәйгә» татар биюе номерында аның хезмәтен билгеләп үтте, диелә хәбәрдә.