Казанда кыш алдыннан 700дән артык урам себерүче җитми
Хәзерге вакытта Казанда 735 урам себерүче җитми. Бу хакта Казан Башкарма комитетының Торак-коммуналь хуҗалык комитеты рәисе Василий Лысачкин хәбәр итте.
«Әгәр норматив буенча алсак, 735 урам себерүче җитми», – дип сөйләде Лысачкин ТНВ каналына.
Аның сүзләренчә, урам себерүчеләрнең 15-20 проценты авыр хезмәт шартлары аркасында эштән китә.
Казан Башкарма комитеты җитәкчесе урынбасары Искәндәр Гыйниятуллин шәһәрдә урам себерүчеләр җитмәү проблемасын ничек хәл итәргә кирәклеге турында сөйләгән иде.