Рөстәм Миңнеханов Үзбәкстан Президенты Шәүкәт Мирзиеев белән очрашты
Татарстан Рәисе Рөстәм Миңнеханов Үзбәкстан Республикасы Президенты Шәүкәт Мирзиеев белән очрашты, дип хәбәр иттеләр ТР Рәисе матбугат хезмәтендә.
ТР Рәисе Үзбәкстан лидерын җылы сәламләде һәм аңа Татарстан белән хезмәттәшлекне үстерүгә шәхси игътибары өчен рәхмәт белдерде.
«Татарстан белән Үзбәкстанның сәүдә-икътисади хезмәттәшлеге үсә бара. Узган ел нәтиҗәләре буенча безнең товар әйләнеше 13,5 процентка үсеш күрсәтте һәм 427 миллион доллардан артып китте», – дип билгеләп үтте Рөстәм Миңнеханов.
Яклар шулай ук сәнәгать паркларын булдыру буенча уртак проектлар турында фикер алыштылар.