Эшмәкәрләрне экспортка ярдәм итү чаралары турында сораштыруда катнашырга чакыралар

«Россия экспорт үзәге» АҖ бизнесның тышкы базарларга чыкканда гамәлдәге ярдәм алымнары турында хәбәрдарлык дәрәҗәсен бәяләү өчен тикшеренү уздыра, дип хәбәр иттеләр ТР Икътисад министрлыгында. Сораштыруда Татарстан эшмәкәрләре катнаша ала.

«Халыкара кооперация һәм экспорт» илкүләм проекты кысаларында оештырылган тикшеренү нәтиҗәләрен экспорт үсешенең агымдагы механизмнарын яхшырту һәм яңаларын булдыру өчен кулланырга ниятлиләр.

Сораштыруда катнашу өчен түбәндәге сылтама буенча күчәргә кирәк. Татарстан бизнесына ярдәм итү чаралары турында Бердәм контакт-үзәк номеры буенча белергә була: 8 (843) 524-90-90.