26 апрельдә Татарстанда җепшек кар һәм +14 градуска кадәр җылы булуы көтелә
Якшәмбе, 26 апрельдә, Татарстанда урыны белән бераз яңгыр көтелә, төнлә һәм иртән аерым районнарда җепшек кар явачак, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә.
Көньяк-көнбатыштан һәм көньяктан секундына 6-11 метр тизлектә җил исә, урыны белән аның тизлеге 15-17 метрга кадәр җитә.
Төнлә минималь температура -3..+2 градус тәшкил итте. Көндез термометрның терекөмеш баганасы +9..+14 градуска кадәр күтәреләчәк.
Казанда аязучан болытлы һава торышы, урыны белән бераз яңгыр көтелә. Көндез башкалада максималь температура +10..+12 градус тәшкил итәчәк.