ТАСС: Ленинград вилоятида ёнғиндан 7 ўзбекистонлик ҳалок бўлди

Россиянинг Ленинград вилоятидаги ангарда пайшанба кунига ўтар кечаси рўй берган ёнғин натижасида етти киши ҳалок бўлди. Дастлабки маълумотларга кўра, ҳалок бўлганлар Ўзбекистон фуқароларидир.Бу ҳақда хабар қилган ТАСС ахборот агентлигига кўра, жасадлар ёнғин юз берган ангар конструкциясини ажратиш пайтида топилган.


Таъкидланишича, ёнғиннинг умумий майдони 600 кв. м.га тенг бўлган. Ҳодисага нима сабаб бўлгани ва ҳалок бўлганлар шахси ҳозирча аниқланмади.


Россия Тергов қўмитасининг Санкт-Петербург бўйича бошқармаси жиноят иши қўзғатди.