Ички ишлар ходимларига давлат мукофотлари топширилди
Президент фармони билан Мустақиллигимизнинг 27 йиллиги арафасида 12 нафар ички ишлар ходими мамлакатимизда жамоат хавфсизлиги, тинчлик ва барқарорликни таъминлаш борасидаги кўп йиллик фидокорона меҳнати, хизмат бурчини бажариш ва миллий манфаатларимизни ҳимоя қилишда мардлик ва жасорат кўрсатгани ҳамда ёш авлодни Ватанга садоқат руҳида тарбиялашга қўшган муносиб ҳиссаси учун давлат мукофотига сазовор бўлди.