Саудия Арабистонида аёллар ҳуқуқларини ҳимоя қилувчи фаол қамоқдан озод қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: The Guardian Аёллар ҳуқуқлари фаоли Лужайн ал-Ҳатлул Саудия Арабистонидаги қамоқдан озод қилинди, дея хабар бермоқда BBC. Инсон ҳуқуқлари ҳимоячиси 10 февраль куни озод қилинди. Нашрнинг таъкидлашича, ал-Ҳатлулга оммавий ахборот воситалари билан мулоқот қилиш ва Саудия Арабистонидан чиқиб кетиш тақиқланган. Ал-Ҳатлул оиласининг билдиришича, фаол унга қўйилган чекловларга қарши чиқмоқчи. «Биз ҳақиқий адолатни қўлга киритмоқчимиз. Лужайн тўлиқ, сўзсиз озод бўлиши учун», – дейди синглиси Лина. Бундан ташқари, ал-Ҳатлул уни қамоқхонада қийноққа солганларни, хусусан, валиаҳд шаҳзода Сауд ал-Қаҳтонийнинг собиқ маслаҳатчисини судга бермоқчи. Фаол 2020 йил охирида «қиролликни беқарорлаштиришга уриниш» айблови билан беш йил-у саккиз ойга озодликдан маҳрум қилинган эди. Бунгача ал-Ҳатлул фаол равишда аёлларга машина ҳайдашга рухсат берилишини тарғиб қилган. У 2018 йил май ойида, Саудия Арабистонидаги аёлларга транспорт воситасини бошқариш ҳуқуқи берилишидан бир неча ой олдин ҳибсга олинган. Аёллар автомобиль бошқариши учун рухсат берувчи қонун қабул қилинганига қарамай, на ал-Ҳатлул ва на бошқа фаоллар озод қилинган. Улар бир неча бор қамоқхонада қийноққа солингани ҳақида хабар берилган.