А Серия. «Интер» дербида йирик ҳисобда ғалаба қозонди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Италия А Серияси 23-тури доирасида мавсумнинг энг муҳим учрашувига айланиши мумкин бўлган ўйин ўтказилди. Турнир жадвалида пешқадам бўлиб турган «Интер» ва «Милан» ўртасидаги учрашувнинг 5-дақиқасида Лукакунинг узатмасидан кейин Лаутаро ҳисобни очди – 0:1. Бўлим якунига қадар расмий мезбонларда ҳисобни тенглаштириш учун бир қатор имкониятлар яратилган бўлса-да, Конте жамоаси танаффусга ғолиб сифатида чиқди. 57-дақиқада эса «Интер» навбатдаги қарши ҳужумни голга айлантирди. Бу сафар Перешичнинг узатмасини яна ўша Лаутаро голга айлантирди - 0:2. 66-дақиқада эса катта саҳнага Лукаку чиқди. Ромелу катта тезликда жарима майдони ичига ёриб кириб, кучли зарбаси билан Доннаруммани ожиз қолдирди – 0:3. «Милан дербиси»да жуда муҳим ғалабага эришиб, энг асосий рақобатчисини мағлуб этган Антонио Конте шогирдлари очколари сонини 53тага етказиб, 2-ўриндаги «Милан» билан фарқни 4 очкога етказишди. А Серия. 23-тур Милан – Интер 0:3 Голлар: 0:1 – 5 Мартинес, 0:2 – 57 Мартинес, 0:3 – 66 Лукаку. Милан – Доннарумма, Калабрия, Кьер, Романьоли, Тео, Салемакерс (Рафаэл Леау, 67), Тонали (Мейте, 67), Чалҳанўғлу, Кессиэ, Ребич, Ибраҳимович (Кастильехо, 75). Интер – Ҳанданович, Шкриньяр, Бастони, де Врей, Ҳакими (Янг, 83), Эриксен (Гальярдини, 78), Барелла, Брозович, Перишич (Дармиан, 78), Мартинес (Санчес, 79), Лукаку.