"Насаф" жамоаси ОФК кубогига йўл олишдан аввал бугундан Тошкентдаги "Чиғатой" сунъий қопламали майдонида машғулотларга киришди. Машғулотлар олдидан жамоа бош мураббийи Рўзиқул Бердиевнинг фикрлари билан қизиқдик. - Дастлаб ОФК кубогига тайёргарлик жараёни ҳақидаги фикрларингиз билан ўртоқлашсангиз... - Яхши кайфиятда тайёргарликни бошладик. Чунки кеча клуб раҳбарлари ҳам футболчиларга катта мотивация берди. Ўзларинг ҳам кўрдинглар вилоят ҳокимимиз ҳам жамоа аъзолари билан учрашиб муҳим ўйинлар олдидан омад тилади. Мухлисларимиз яхши кузатиб қўйишди. Шу боис йигитларнинг руҳий ҳолати жуда яхши. Бугундан "Чиғатой" спорт базасида машғулотларни бошладик. Сунъий майдонда тайёргарлик олиб боришимизни таъкидлагандим. Икки кун шу ерда шуғулланамиз. Сўнг 10 май куни Душанбега йўл оламиз. - Учрашувларнинг суъний майдонда ўтиши қанчалик қийинчилик туғдиради? Бундай паллада жароҳат олиш ҳолатлари кўп учрайди... - Бу жиҳат ўйлантиряпти. Лекин ҳеч нарса баҳона бўла олмаслиги керак. Агарда сунъий майдон текис бўлса яхши ўйин кўрсатиш мумкин. Имкон қадар сифатли ўйнашга ҳаракат қиламиз. Майдонга чиқиб натижа кўрсатишимиз лозим. Мухлисларимиз биздан ғалабалар кутмоқда. Асосий мақсад кейинги босқичга йўлланма олиш. - Жамоанинг молиявий ҳолати ва таркиби 10 йил олдингидек бўлмасада кўпчилик "Насаф"дан 2011 йилги ғолибликни кутяпти. Клуб раҳбарияти жамоага шундай мақсадни қўйдими? - Турнирда максимал ҳаракат қиламиз. 2011 йилги натижа билан таққослаш ноўрин. Фарқ жуда катта. Қолаверса ўзим ҳам ўшанда ёрдамчи мураббий сифатида жамоада фаолият юритганман. Таркиб жуда кучли эди. Турнирнинг даражаси юқорилигини яхши биламан. Максимал ҳаракат қилсак яхши натижа кўрсатишга кучимиз етади. Раҳбарият билан гаплашдик, агарда кейинги босқичга чиқсак бошқа футболчиларни ҳам рўйхатдан ўтказамиз. Жамоани кучайтиришни ўйлаб кўрамиз. Бунинг учун кейинги босқичга чиқишимиз зарур. Ютишни мақсад қилсак таркибимизни кучайтиришимиз даркор. - Туркманистон клуб "Олтин аср" мусобақада катта эҳтимол билан иштирок этмайди. Бу "Насаф"нинг режаларига ва гуруҳдаги ҳолатга қанчалик таъсир қилади? - Режамиз бўйича учта ўйинга тайёргарлик кўргандик. Шуни айтишим мумкинки, Туркманистон жамоаси ҳақида бизда маълумотлар кам эди. Қайсидир маънода режамизни бироз ўзгартирармиз. Гуруҳдаги қолган рақиблар ҳақида маълумотларга эгамиз.
Выставка славянских истоков «В бессмертье уходит всеведенье литер простых»
В Росгвардии стартовал чемпионат по боксу «Кубок Победы»
Театр и Культура, Россия и Дети: 15 мая театр кукол Ульгэр представил спектакль «Мүнгэн мүшэдүүд» в стенах Художественного музея для первых классов гимназии №29 Улан-Удэ
Что там в IT: ИИ-отрыв Google, ChatGPT почти человек, отечественный BIOS
Театр и Культура, Россия и Дети: 15 мая театр кукол Ульгэр представил спектакль «Мүнгэн мүшэдүүд» в стенах Художественного музея для первых классов гимназии №29 Улан-Удэ
Премию Фета получил поэт из Югры
«Дефицитный продукт». В Севастополе малогабаритки стали дороже, Симферополь продемонстировал падение стоимости квадрата
Литературный монолог
«По праву памяти»,
к 105-й годовщине со дня рождения А.С. Крупнякова,
советского и российского писателя.
