Партия вакиллари Украина Конституцияси хавф остида эканини таъкидлаган ва расмий лавозимини очиқдан-очиқ суиистеъмол қилган Зеленский унга эътибор бермаётганини айтган.
«Бизнинг бугунги асосий вазифамиз — Украина Конституциясини, Конституция принциплари ва қонун устуворлигини ҳимоя қилиш, асосий қонунга жиноий ҳокимиятнинг маълум бир манфаатларни кўзлаб ўзгартириш киритишининг олдини олиш», — дейилган баёнотда.
Шунингдек, Конституциянинг цензурани тақиқлаш билан боғлиқ моддалари бузилганига мисол тариқасида «112 Украина», «NewsOne», «ZIK» ва «Первый независимый» каби телеканалларнинг блокланиши келтириб ўтилган.
Мурожаат муаллифлари, шунингдек, «маълум бир девор» қуриш орқали Донбасс билан алоқаларни тўлиқ бузиш эҳтимоли тўғрисида Украина раҳбари томонидан илгари сурилган ғояга ишора қилиб, бу ҳам Конституцияга зид эканини қайд этган.
Аввалроқ Зеленский қандай қилиб тарихда қолмоқчи эканини айтганди. Шунингдек, Байден билан учрашувда қандай масалаларни муҳокама қилмоқчи эканини маълум қилган.
bugun.uz