Учуқни даволашнинг халқона усуллари
Шифокор Лайло Бахтиёрова:
-Лабда яллиғланиш аломатларини сезсангиз, безовталикни енгиллаштириш учун мойчечак, тирноқгул (колендула) экстрактини жамлаган суртмалар, шунингдек, оққарағай (пихта) мойи билан енгил ишлов бериш мумкин.
-Бир чой қошиқ қора чойни ярим стакан қайноқ сувга дамланг. Совигунча дам есин. Совиган чойга пахтани юмалоқлаб намланг ва учуқларга қўйинг. Муолажани 3-4 кун давомида кунига бир неча маҳал такрорланг.
-Пахтани камфора мойига намлаб, кунига бир неча маҳал учуққа суртинг.
-Агарда учуқ сурункали равишда чиқаётган бўлса, албатта, шифокор кўригидан ўтиш зарур.
«Соғлом ҳаёт»