Қозоғистонда ҳам аҳоли орасида чўчқа гриппи тарқалмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: Anadolu Қозоғистон соғлиқни сақлаш вазири Азҳар Гиният мамлакатда чўчқа гриппи тарқалаётганини маълум қилди. Бу ҳақда “Zakon.kz” хабар берди. Республикада гриппнинг уч тури, жумладан, рўйхатга олинган чўчқа гриппи ҳам тарқалмоқда. «Қозоғистонда H1N1 чўчқа гриппи қайд этилган. Аденовирус ҳам рўйхатга олинган. Вируслар бир-бири билан аралашиб, микс-инфекцияни ҳосил қилмоқда. Мамлакатда суперинфекция ҳам кузатилмоқда», — дейди Гиният. Вазир мамлакатда коронавируснинг «омикрон» штамми ҳам айланиб юрганини қўшимча қилган. «‘Омикронънинг бир неча турлари мавжуд, чунки вирус ўзгаришга учрамоқда. У атроф-муҳитда ҳам сақланиб қолади. Мамлакатимизда эса ‘Сербер’ варианти тарқалмоқда», — дейди расмий. Гиниятнинг таъкидлашича, гриппга қарши эмланиш вируслардан ҳимояланишга ёрдам беради. Соғлиқни сақлаш вазирлиги раҳбари октябрда гриппга қарши эмланган. Бундан ташқари, у ҳамма жойда ниқоб тақишга ҳаракат қилади. Маълумот ўрнида, Қирғизистонда ҳам аҳоли орасида чўчқа гриппи аниқланган. Касаллик Россияда ҳам қайд этилган.