Уйқудан осон уйғониш учун нима истеъмол қилиш керак?
Ташқарида ҳаво булутли бўлса, одамни уйқучанлик қийнайди. Қандай қилиб кунни жадал бошлаш ва организмни тўғри маҳсулотлар билан қиш уйқусидан олиб чиқиш керак? “Новий очаг” нашри қуйида ушбу саволга жавоб берди.
Олма
Олма темир, магний ва С витаминига бой. Ушбу моддалар фаоллик ва концентрацияни оширади. Куннинг ярмида олма истеъмол қилиш нафақат очликни қондиради, балки диққатни ишга қаратишга ҳам ёрдам беради.
Цитрус мевалар
Бу мевалар йил давомида мавжуд, шунинг учун витаминлар, кальций, темир, калий ва бошқа кўплаб фойдали моддаларни нафақат ёзда, балки қиш мавсумида ҳам олиш мумкин. Цитрус мевалари фаолликни яхшилайди, айниқса кун бўйи компьютерда ўтирганлар учун. Апельсин ва лимоннинг фойдали хусусиятлари чексиз, улар ошқозон-ичак трактини рағбатлантиради, авитаминознинг олдини олади ва ёғ эритишини тезлаштиради. Шундай қилиб цитрус мевалари нафақат уйғонишга ёрдам беради, балки вазн камайтиришни истаганлар учун ҳам ажойиб ёрдамчидир.
Аччиқ шоколад
Аччиқ шоколад кальций, фосфор ва магнийга бой. Фосфор мияни озиқлантиради, кальций суяк мустаҳкамлигини таъминлайди ва магний ҳужайра метаболизмини тартибга солади. Асосий овқатдан кейин ширинлик сифатида бир бўлак шоколад истеъмол қилиш мумкин. Ушбу моддалар фаолликни оширади ва кайфиятни яхшилайди.
Чой ва қаҳва
Кўк чой мукаммал тетиклантирувчидир. Қора чой таркибида кофеин ва танин мавжуд бўлиб, у бир вақтнинг ўзида энергия беради ва тинчлантиради. Қаҳва ҳақида билиш керак бўлган асосий нарса — у табиий, сут ва қаймоқсиз бўлиши керак.
Исмалоқ
Олма каби исмалоқ ҳам С витамини, темир, калий ва магнийга бой. Бу бутун организмга ижобй таъсир кўрсатади, шунингдек, асаб тизимини тинчлантиради. Исмалоқ ҳатто мавсумий депрессияга қарши курашда ҳам ёрдам беради.