«Док-1 МАКС» дориси билан боғлиқ гумонланувчилар ДХХ томонидан ҳибсга олинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Видеодан кадр Давлат хавфсизлик хизмати 18 боланинг ўлими билан якунланган «Док-1 МАКС» дориси билан боғлиқ воқеалар бўйича жиноят иши қўзғатди. Қайд қилинишича, Ҳиндистоннинг «Marion Biotech Pvt. Ltd» компаниясига тегишли мазкур дори воситаcи мамлакатимизга «Quramax Medical» МЧЖ томонидан савдога чиқарилган. «Док-1 МАКС» дориси билан боғлиқ гумонланувчилар ДХХ томонидан ҳибсга олинди pic.twitter.com/vPi15PsTPr — Шухрат Раззаков (@ShuhratRazzakov) December 27, 2022 Препарат уй шароитида болаларга шифокор рецептисиз шамоллашга қарши восита сифатида нотўғри қўлланилган. Соғлиқни сақлаш вазирлиги томонидан ўтказилган лаборатория ўрганишларига кўра, бу сиропнинг таркибида мавжуд бўлган «этиленгликол» моддаси бемор саломатлигида жиддий салбий ўзгаришларни келтириб чиқаради. Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази хулосасига кўра, «Док-1 Макс» сиропи меъёрий ҳужжатда белгиланган талабларга жавоб бермайди. Ҳолат юзасидан ДХХ Тергов бошқармаси томонидан «Quramax Medical» МЧЖ ҳамда «Дори воситаларини стандартлаштириш илмий маркази» МЧЖ мансабдор шахсларига нисбатан жиноят иши қўзғатилиб, гумонланувчилар ДХХ Тергов ҳибсхонасига жойлаштирилди.