Қаймоқ – саломатлик учун кони фойда
Шифокор Зуҳриддин Баҳриддинов:
-Камқонлик (анемия)да: 1 ош қошиқ қаймоқ 2 ош қошиқ сачратқи гиёҳи дамламаси билан обдан аралаштирилади. Аралашма кунига 3-4 маҳал таомдан ярим соат олдин қабул қилинади.
-Қаймоқ мунтазам равишда тановул қилиб юрилса, эркакларда уруғ ҳосил бўлиши жараёнини кучайтиради. Агар кундалик таом рационига қаймоқ билан петрушка кўкати киритилса, бу аралашма эркакларнинг простата безига ижобий таъсир қилади.
-Томоқ оғриғида кунига 2 маҳал эрта ва кеч пайти 50 гр дан қаймоқ илиқ ҳолида қабул қилинади. Қаймоқни дарҳол ютмаслик даркор, оғизда ушлаб, аста-секинлик билан сўрилади.
-Эмизикли аёлларда сут кам бўлганида 200 г қаймоққа 1 ош қошиқ қора зира уруғи қўшилади. Аралаштириб, паст оловда 5 дақиқа мобайнида қайнатилади. Кейин аралашма тўртга бўлиб, кун давомида истеъмол қилинади.
«Соғлом ҳаёт»