Янги йил ҳақидаги севимли фильмларда рол ижро этган болакай ва қизалоқлар ҳозирда қандай кўринишда?
Ҳар йили бир хил фильмларни кўриб, зерикмаймиз — улар Янги йил кайфиятини яратади. Фильмларда ўйнаган болалар эса улғайиб, катта ҳаётга аллақачон қадам қўйган.
Киран Калкин — Фуллер Макаллистер, «Уйда ёлғиз» (1990)
Маколей Калкиннинг укаси Рождество ҳақидаги энг машҳур фильм «Уйда ёлғиз»да акаси билан бирга рол ўйнаган. Биз уни Маккаллистерлар оиласининг энг кичиги — кулиб турадиган кўзойнакли болакай Фуллер сифатида эслаймиз. Аммо ҳозир Киран Калкин 20 дан ортиқ ролларни ўйнаган ва «Олтин глобус» мукофотига номзод бўлган машҳур актёрдир.
Элисон Портер — Сю, «Жингалаксоч Сю» (1991)
Актриса ва қўшиқчи Элисон Портер 3 ёшидан бошлаб қўшиқ куйлайди. 5 ёшида у мусиқий шоуда энг яхши ёш вокалчига айланди. Унга энг катта шуҳрат келтирган Сю роли унинг кинодаги бешинчи роли бўлди. Катта бўлгач Элисон мусиқий карьерани афзал кўрди ва ўз гуруҳини тузди. 2016 йилда Портер Американинг «Овоз» шоусининг 10-мавсумида ғолиб бўлди.
Жозеф Кросс — Чарли Frost, «Жек Frost» (1998)
Бир пайтлар «Жек Frost» эртак фильмида рок мусиқачиси Чарлининг мовий кўзли ўғли ролини ўйнаган Жозеф балоғат ёшида ҳам ўзини актёрликка бағишлашда давом этмоқда. Унинг энг кўзга кўринган ишларидан бири бу «Нафрат» драмасидаги Дэвис Грин роли ва «Ҳаммаси гўзал» илмий-фантастик фильмидаги Лернерт роли. Баъзи лойиҳаларда у продюсер ва режиссёр сифатида ҳам ишлайди.
Тэйлор Момсен — Синди, «Гринч — Рождество ўғриси» (2000)
«Гринч — Рождество ўғриси» фильмидаги Гринчнинг қиз дўсти Кичкина Синди аллақачон катта бўлган. Ҳозирда бу ролни ижро этган Тэйлор Момсен The Преттй Реcклесс рок гуруҳининг солисти ҳисобланади. Ўзининг узоқ йиллик фаолияти давомида (Момсен 2 ёшидан бошлаб реклама ва фильмларда суратга тушган), у ўзини актриса ва модель сифатида синаб кўрди (унинг энг машҳур роли «Ғийбатчи қиз» сериалидаги Женни Хамфри), лекин охир-оқибат мусиқа билан шуғулланишга қарор қилди.
Томас Броди-Сенгстер — Сем, «Ҳақиқий муҳаббат» (2003)
Сем «Ҳақиқий муҳаббат» фильмида ўйнашдан олдин телевизион фильмларда тажрибага эга эди. Бу рол унинг катта экрандаги дебюти бўлди ва дарҳол бир нечта номинацияларга сазовор бўлди. Кейинчалик у «Жон Леннон бўлиш» фильмида ёш Пол Маккартни сифатида пайдо бўлди, кейин эса «Қиролича юриши» сериалида истеъдодли шахматчи Бенни Уотц ролини ўйнайди. У, шунингдек, онаси билан Wиннет мусиқий гуруҳининг аъзоси ҳисобланади. 2022 йил бошида у ўзини модель сифатида ҳам синаб кўрди ва Милан мода ҳафталигидаги подиумда кўриниш берди.
Софя Василева — Элоиза, «Элоиза-2: Рождество» (2003)
Асли келиб чиқиши рус бўлган америкалик актриса Софя Василева болалигида Элоиза ҳақидаги иккита телефильм — «Элоизанинг саргузаштлари» ва «Элоиза-2: Рождество» фильмларида шаддод Элоиза ролини ижро этиб, томошабинларни ўзига ром этган. У кейинчалик ҳам карьерасини кино билан боғлади: уни «Medium» ва «Аляскани излаб» сериалларида кўриш мумкин.
Жоржи Хэнли — Люси Певенси, «Нарния йилномалари» (2005)
«Нарния йилномалари» фильмидаги Люси Певенси роли билан машҳур бўлган Жоржи Хэнли катта бўлганда ҳам ўзининг актрисалик фаолиятини саҳнада ва телевидениеда давом эттирди, масалан, уни «Испан маликаси» телесериалида Маргарита Тюдор ролида кўриш мумкин. У Кембриж университетида таҳсил олган.
Элл Феннинг – «Қарсилдоқ» (2010)
Элл Кончаловскийнинг «Қарсилдоқ» фильмидаги Мери ва «Малефисента»даги малика Аврора ролларини ижро этган. Вақт ўтиши билан актриса ажойиб фильмографияси ва хилма-хил роллари билан энг кўзга кўринган Голливуд юлдузларидан бирига айланишга муваффақ бўлди.
Daryo.uz