Футбол агенти: "Роналду пулни танлади, унинг терма жамоага чақирилишига шубҳам бор" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Криштиану Роналду "Ал-Насср" клуби билан 2 йиллик шартномага имзо чекканидан хабарингиз бор. Футбол агенти Пауло Барбоса 37 ёшли ҳужумчининг риёдликлар сафига кўчиб ўтгани ҳақида ўз фикрлари билан ўртоқлашди: "У кўпроқ пул ишлаш вариантини танлади, лекин бу қимматга тушишини тушуниб турибди. Энди Роналдунинг терма жамоага чақирилишига шубҳам бор", - дея Барбоса сўзларини келтирмоқда "Sport Express" нашри. Криштиану "Насср" таркибида йилига тахминан 200 миллион евро ишлаб топиши айтилмоқда. Бунгача у "Спортинг", "Манчестер Юнайтед", "Реал" ва "Ювентус" каби жамоалар шарафини ҳимоя қилган. "Ал-Насср" клуби директорлар кенгаши раиси Криштиану Роналду билан шартнома имзолангани ҳақида фикр билдирди. "Биз Криштианунинг янги уйи - "Ал-Насср"да кутиб олишдан фахрланамиз. Бу жамоа ва лигамиз тарихида янги саҳифа бошланишини англатади. Бутун дунё бўйича миллионлаб инсонларни илҳомлантириб, уларга қувонч бағш этаётган тарихдаги энг буюк футболчини Саудия Арабистонидан кўришдан барча мамнун", - деди Мусли Ал Муаммар.