Россия Туркияга 80 тонна гуманитар ёрдам юборди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Россиядан Туркиядаги фалокат зоналарига 80 тонна гуманитар ёрдам жўнатилди ва бир миллион доллардан ортиқ маблағ ўтказилди. Бу ҳақда Туркиянинг Москвадаги элчиси Меҳмет Самсар маълум қилди. “Ҳозирги кунга қадар Туркиядаги фалокат зонаси эҳтиёжлари учун Россиядан 80 тонна гуманитар ёрдам жўнатилди ва 1 миллион доллардан кўпроқ маблағ ўтказилди”, - деган Самсар. Турк дипломатининг эслатишича, фалокатнинг биринчи кунидаёқ Туркия президенти Ражаб Тойиб Эрдоған Россия президенти Владимир Путин билан телефон орқали мулоқот қилган. “Путин Туркия раҳбарига қўнғироқ қилиб, ҳамдардлик билдирди, шунингдек, зарур ёрдам юборилишини маълум қилди. Ушбу ташаббуслар доирасида Россия идоралари зудлик билан чоралар кўрди ва биринчи куниёқ 150 кишидан иборат қидирув-қутқарув гуруҳини учта самолёт билан юборди”, - деди дипломат. Самсар шу куни Россия фавқулодда вазиятлар вазирлиги орқали Искендерун портида содир бўлган ёнғинни ўчириш учун Туркияга самолёт юборилганини қайд этди. Унинг сўзларига кўра, бугунги кунга қадар Туркиядаги фалокат зонасида Россия Федерациясидан 350 га яқин мутахассис, жумладан, фавқулодда вазиятлар вазирлиги ва мудофаа вазирлигининг қидирув-қутқарув гуруҳлари ва шифокорлари бўлган. Унинг қайд этишича, Россия Федерацияси мудофаа вазирлиги ҳам Туркиянинг жабрланган ҳудудларига ёрдам юборган. “Икки кун олдин Россия идораси иккита самолётда 500 та чодир, 9 минг ухлашга мўлжалланган буюм ва 9 минг каравот жўнатди. Россия Федерацияси фавқулодда вазиятлар вазирлиги ҳам ёрдам кўрсатди, жумладан, юздан ортиқ қишки чодирлар жўнатди”, - деди Самсар. Туркия жануби-шарқидаги Кахраманмараш вилоятида 6 февраль куни 9 соатлик интервал билан 7,7 ва 7,6 магнитудали зилзилалар содир бўлди. Сўнгги маълумотларга кўра, табиий офат оқибатида 35 мингдан ортиқ одам ҳалок бўлган, 105 мингдан ортиқ киши жароҳатланган.