Чăваш символикиллĕ ракета вĕçеве хатĕрленет
Çĕртме уйăхĕн 30-мĕшĕнче Байконур космодромра «Союз 2.1» ракетăпа Прогресс МС-17 транспорт карапĕ уçлăха хăпарĕç. Çак ракета çине Чăваш Республикин патшалăх паллисене тата виççĕмĕш космонавтăн Андриян Николаевăн сăнне вырнаçтарнă. Çакна уйăх пуçламăшĕнче Питĕрти экономика форумĕнче Чăваш Республикипе «Роскосмос» патшалăх корпорацийĕ килĕшӳ алă пуснă хыççăн тунă.