«Уфага килсәк, иң беренче сиңа иде юлыбыз» – Руслан Кираметдиновның дусты вафат

Җырчы Руслан Кираметдиновның Уфада яшәүче якын дусты вафат булган. Бу хакта ул үзенең социаль челтәрдәге сәхифәсендә яза. Дамир белән фотосын урнаштырып, Руслан: «Урының оҗмахта булсын, дустым», – дип яза.

Русланның концерт директоры Айдар Сәфәргалин да мәрхүм турындагы истәлекләр белән уртаклашкан.

«Дамир дустыбыз, Уфага килсәк, иң беренче сиңа иде юлыбыз… Урының җәннәттә булсын… Кайсы вакытта шалтыратсак та ярдәмгә килергә әзер идең. «Теләсә кайсы сорауны хәл итәбез», – дип кенә тордың», – дигән ул.

Дамирга нибары 36 яшь булган. Ул безнең арабыздан йөрәк авыруы белән китеп барган.