Galaxy M15 5G texniki xüsusiyyətləri və dizaynı təqdimatdan əvvəl açıqlanıb
Hələ elan olunmamış Samsung Galaxy M15 5G smartfonu Google Play Console xidmət verilənlər bazasında peyda oldu. Cihazın sertifikat kartı sayəsində yalnız dizayn xüsusiyyətləri deyil, həm də bəzi texniki xüsusiyyətləri məlum oldu.
Mənbənin məlumatına görə, Samsung Galaxy M15 5G 1080×2340 piksel (450 ppi) təsvir ölçülü ekrana sahib olacaq. Smartfonun əsasını iki yüksək performanslı Cortex-A76 nüvəsi və altı enerjiyə qənaət edən Cortex-A55 nüvəsi olan MediaTek prosessoru təşkil edəcək (çox güman ki, söhbət Dimensity 6100+ modelindən gedir).
Mysmartprice portalının məlumatına görə, yeni məhsul 25 vatt sürətli şarj doldurma funksiyasına malik 5880 milliamper/saat tutumlu akkumulyatorla təchiz ediləcək. Enerji təchizatının paketə daxil olub-olmayacağı məlum deyil.
Samsung Galaxy M15 5G-nin təqdimat tarixi hələ açıqlanmayıb. Smartfonun bütün əsas sertifikatlardan aktiv şəkildə keçdiyini nəzərə alsaq, onun premyerası yaxın gələcəkdə baş tuta bilər.
The post Galaxy M15 5G texniki xüsusiyyətləri və dizaynı təqdimatdan əvvəl açıqlanıb appeared first on InfoCity.