Րաֆֆի Սարգսյանի Lago-ն $22 միլիոն ներդրում է ներգրավել
Րաֆֆի Սարգսյանի համահիմնադրած Lago ընկերությունը, որը մշակում է ալտերնատիվ վճարային համակարգ, ներգրավել է $22 միլիոն ֆինանսավորում՝ FirstMark-ի գլխավորությամբ։
Ներդրմանը մասնակցել են նաեւ Y Combinator-ի, Lee Fixel's Addition-ի, New Wave-ի, Script-ի եւ մի շարք անհատ ներդրողներ: FirstMark-ի գլխավոր գործընկեր Մեթ Թարքը կմիանա Lago-ի խորհրդին:
Ընկերությունը ներդրումը կուղղի ավանդական վճարումների եւ վճարային հարթակների համար բաց կոդով այլընտրանք ստեղծելուն։
Lago-ն ավելին է, քան Stripe Billing-ի եւ Chargebee-ի վճարային համակարգերի այլընտրանքը։ Ընկերությունը ինժեներներին կոմպոզիտային հաշվարկային շարժիչ է տրամադրում եւ ֆինանսական ու բիզնես թիմերի համար իրական ժամանակում ապահովում ճշգրիտ հաշվարկային տվյալների հասանելիություն։
Lago-ն 2021 թվականին ընդգրկվել է Y Combinator-ի ամառային շրջափուլում։