Зөлфирә Мирзаянова: «Көн саен хастаханәгә йөрим»

Зөлфирә – Алмаз Мирзаяновларның кайбер концертлары күчерелүе турында язган идек.

Кызганычка, сәламәтлек белән бәйле җитди сәбәпләр аркасында, март ае һәм апрель башында булырга тиешле Баулыда һәм Башкортстандагы концертларны көзгә күчерергә туры килә. Алынган билетлар үз көчендә калачак. Шулай ук кассаларда кире дә тапшыра аласыз. Уңайсызлыклар өчен гафу үтенәбез.

Төгәл сәбәпләрен белергә теләп, кызык эзләүчеләр, юк-бар сораулар язмавыгызны үтенәбез. Догада булыйк. Рамазан ае мөбарәк булсын. Сәламәтләнеп, күрешергә насыйп булсын. Графикны шушы арада куярбыз, – дип хәбәр иткән иде Алмаз Мирзаянов социаль челтәрдә.

Шушы яңалыктан соң Зөлфирә Мирзаянова бу хәлгә ачыклык кертте:

Без Казанда. Мин дәваланам, Аллага шөкер, җайланып килгән кебек… Көн саен шулай хастаханәгә йөрим. Табибларга зур рәхмәт! Файдасы тисен, – дип тынычландырган ул үзе өчен борчылып торучы тамашачысын.