Россиянинг АҚШ президенти сайловига аралашганига доир икки ҳисобот эълон қилинди
17 декабрь куни ёйинланган ҳисоботлар Сенат разведка қўмитаси учун тайёрланган.
Facebook ва Twitterдаги миллионлаб постлар, YouTubeдаги видеолар, Instagramдаги суратлар ҳамда бошқа ижтимоий тармоқлардаги контент таҳлил қилинган ҳисоботлар Россиянинг АҚШ президентига аралашуви тўғрисидаги бугунга қадар тайёрланган энг тўлиқ ҳисоботлардир.
Россия президенти матбуот котиби ҳисоботлар асоссиз эканлигини таъкидлади, аммо ўз сўзларини тасдиқловчи далил келтирмади.
АҚШ разведка қўмитаси 2017 йилнинг январида Москва ўша пайтдаги номзод Дональд Трампни қўллаб, унинг рақиби Ҳиллари Клинтонга қарши пропаганда билан шуғулланганини хулоса қилган эди.
Ҳисоботларнинг бирида қароргоҳи Санкт-Петербургда бўлган ва "Интернет тадқиқот агентлиги" номи билан маълум бўлган гуруҳ қай йўсинда ёлғон аккаунтларни очиб, нотўғри маълумот тарқатгани, Трампни олқишлаб, Клинтонни ёмонотлиқ қилиш учун курашганига оид янги тафсилотлар келтирилган.
“Россия тролл фабрикаси” деб номланувчи гуруҳни Кремлга алоқадор тадбиркор Евгений Пригожин молиялаштириши айтилади. Жорий йилнинг февраль ойида махсус прокурор Роберт Мюллер Пригожин ҳамда яна 12 нафар бошқа россияликни банк фирибгарлиги, фитна, шахсий маълумотларни ўғирлаш каби жиноятларга қўл уришда айбдор деб топган эди.