Россиядә коронавирустан яңа даруга клиник сынаулар үткәрәчәкләр
(Казан, 14 апрель,«Татар-информ», Александра Давыдова). Россиядә яңа Covid-19 коронавирус инфекциясен дәвалау өчен дару эшләнде. Россия Сәламәтлек саклау министры Михаил Мурашко шул турыда белдерде. Бу хакта РИА Новости хәбәр итә.
«Россия компаниясе кайбер илләрдәге хезмәттәшләребез тарафыннан сыналган дару препаратын эшләде, бу инде тулысынча Россия аналогы. Клиник сынаулар өчен беренче партия булдырылды», – дип китерә агентлык федераль ведомство җитәкчесе сүзләрен.
Мурашко шулай ук фармацевтика компаниясе ун-унике көннән яңа типтагы коронавирустан препаратка клиник сынаулар үткәрә башларга планлаштыра, диде.