Дийнахь-буса Къилбаседа Кавказехь уьнах велла ши стаг. COVID-19 гучуяьлла кхин а 365-нца.

ТIаьххаьрчу 24 сахьтехь Къилбаседа Кавказехь коронавирусах велла ши стаг, и лазар карийна кхин а 365 вахархочуьнца.


Коронавирусна дуьхьалоечу Оперативан штабо бечу хаамца, белларш бу Краснодар-махкара. Ун даьржичхьана схьа велла Къилбаседа Кавказехь 57 стаг.


ТIаьххьарчу дийнахь-буса коронавирус регионехь массанхьачул а дукха хааелла Дагестанехь – 113 вахархочуьнца.


Иштта ю статистика:



Дагестан +113 (юхьанца дуьйна схьа 567) Краснодар-мохк +84 (623)
ГIалгIайчоь +38 (474)
Х1ирийчоь +33 (275)
Ставропол-мохк +26 (358)
ГIебарта-Балкхаройчоь +25 (243)
Кхарачой-Чергазийчоь +25 (194)
Нохчийчоь +18 (365)
Адыгей +3 (117)


Верриг а коронавирус кхетта хаавелла Къилбаседа Кавказехь 3216 стаг.


Оперативан штабан терахьашца, Оьрсийчохь ун кхеттарг ву юхьанца дуьйна схьа 68 622 стаг.




ТIаьххьарчу дийнахь-буса COVID-19 гучуьялла Оьрсийчоьнан 82 регионерчу 5849 стагехь. Хьалхарчу меттехь ю Москва – 2957 стаг. ШолгIаниг - Москва-мехкан к1ошташ, 611 вахархо. Кхоалг1аниг – Петербург, 253 стаг.