Яңгырлар аркасында Кукмара районының бер авылында бакчалар су астында калырга мөмкин

(Казан, 2 май, «Татар-информ», Полина Шевчук). Яңгырлар аркасында Кукмара районының бер авылында йорт яны участоклары су астында калырга мөмкин. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Югары Ослан янында Куйбышев сусаклагычында су 8 сантиметрга күтәрелгән һәм 52,56 метр билгесендә туктап калган.

Чаллы янында Түбән Кама сусаклагычында исә су 20 сантиметрга күтәрелгән. Әмма биредә куркырлык сәбәп юк – критик күрсәткечкә җитәргә 2,5 метр бар.

Түбән Кама ГЭСының аскы бьефында суның чигенүе күзәтелә – суның биеклеге 5 сантиметрга кимегән.

Бер тәүлек эчендә Кече Чирмешән елгасында су – 63, Гөбенә елгасында – 10, Нократ елгасында 8 сантиметрга күтәрелгән. Тулаем алганда, республика елгаларында суның биеклеге куркыныч күрсәткечләргә җитмәгән.

Коеп яуган яңгырлар нәтиҗәсендә, Нократ елгасында су күтәрелеп, Лубян авылында биш бакча яны участогы су астында калырга мөмкин.