Җир җиләгеннән бик тәмле кайнатма ясау ЫСУЛЫ
Аның өчен 1 кг җиләккә 1 кг шикәр комы кирәк.
Җиләкне юып, өстенә шикәр сибәбез дә сигез-ун сәгатькә калдырабыз. Соңыннан җиләкне сүрән утка кайнатырга куябыз, кайнау кергәннән соң биш минут тотабыз. Уттан алып суытабыз. Аннары кабат биш минут кайнатабыз. Процедураны өч-дүрт тапкыр кабатлыйбыз. Кайнар кайнатманы банкаларга тутырабыз.