"Калі ўрад і парламент абмяркоўвалі гэту тэму і прымалі рашэнне, яны мне дакладвалі і запэўнілі, што за кошт цаны і іншых фактараў лякарствы не падаражэюць. Асабліва той спектр лякарстваў, якія патрэбны практычна кожны дзень", - сказаў Аляксандр Лукашэнка.
Разам з тым Прэзідэнт адзначыў, што да ўлады, зразумела, павінна прыходзіць новае пакаленне, і гэта павінен вызначыць народ на сумленных і адкрытых выбарах пасля адпрацоўкі неабходных законаў і Канстытуцыі.
"Вядома, я не летуценнік, я рэаліст. Я стаўлю мэты, іду да іх разам са сваім народам. Мая мэта - жыць дзеля сваёй краіны, дзеля вас, разам з вамі ствараць наш агульны дабрабыт, як гэта мы рабілі заўсёды", - сказаў Аляксандр Лукашэнка.
"Галоўная мая ўмова адыходу ад улады: у краіне мір, парадак, ніякіх пратэсных дзеянняў, не пераварочваць краіну, выказваць у рамках закону меркаванне", - сказаў Аляксандр Лукашэнка.
Кіраўнік дзяржавы нагадаў, што, паводле даных праведзенага нядаўна маштабнага сацыялагічнага даследавання, узровень даверу партыям з боку людзей - ад 3 да 6 працэнтаў.
"Трэба паглядзець на выхадцаў з сілавых структур, якія да 50 гадоў звальняюцца са службы. Але гэта дысцыплінаваныя, разумныя людзі. Іх трэба таксама выкарыстоўваць на дзяржаўнай службе", - лічыць беларускі лідар.
"Наш беларускі народ атрымаў моцную прышчэпку ад карупцыі. Любую ўладу ён на працягу года змяце, калі ўбачыць, што нехта верхаводзіць, - сказаў кіраўнік дзяржавы. - Толькі справядліва, толькі сумленна жывучы ў гэтай краіне, мы можам жыць нармальна. Іншага нам не дадзена. Людзі не будуць цярпець ні карупцыі, ні алігархіі".
"Аднак перш чым сход пачне выпрацоўку прапаноў, неабходна спакойна разабрацца, што адбываецца з намі цяпер, якія глыбінныя працэсы ідуць у грамадстве і як мы на іх будзем рэагаваць", - звярнуў увагу Прэзідэнт.
Паводле слоў Аляксандра Лукашэнкі, такой павінна заставацца краіна, у тым ліку калі ён пойдзе з пасады Прэзідэнта.
Размеркаванне дывідэндаў або перадача ва ўласнасць часткі акцый патрабуюць сумленнага заканадаўчага замацавання.
"Атамная станцыя, замяшчэнне прыроднага газу, перавод на чыстую электраэнергію дасць станоўчы эфект. Задачы на пяцігодку цалкам зразумелыя - развіццё інфраструктуры перадачы электраэнергіі", - сказаў Аляксандр Лукашэнка.
Аляксандр Лукашэнка адзначыў, што стрыжнем развіцця рэгіёнаў стане палітыка павышэння прывабнасці жыцця і працы за межамі сталіцы і абласных цэнтраў. У планах - усебакова развіваць 11 такіх буйных гарадоў, як Барысаў, Маладзечна, Баранавічы, Бабруйск, Полацк і іншыя.
"Чалавечы капітал - гэта галоўны рэсурс краіны, на развіццё якога мы заўсёды знойдзем сродкі. Аднак, якім ён будзе, якім будзе наш бюджэт, і колькі заробім, залежыць ад нас, ад сумленнасці і ад таго, як мы будзем плаціць падаткі", - падкрэсліў беларускі лідар.
Паводле слоў Прэзідэнта, дзяржава не зможа існаваць, калі не здолее накарміць сваіх грамадзян. "Без сяла, без вёскі не можа быць дзяржавы", - падкрэсліў ён.
"Я папярэджваў ужо мінчан: нам трэба адыходзіць ад празмернага будаўніцтва жылля ў Мінску. Нам трэба размяркоўваць прадукцыйныя сілы па ўсёй краіне. Мы перанасялілі Мінск, ужо цяпер цяжка: заторы і іншае", - падкрэсліў Аляксандр Лукашэнка.
"Калі кратна не павялічым перапрацоўку камунальных адходаў, мы будзем жыць у страшным і шкодным брудзе. Да канца пяцігодкі перапрацоўка другасных рэсурсаў павінна скласці 50 працэнтаў, не менш", - даручыў Аляксандр Лукашэнка.
"Што датычыцца нафтаперапрацоўкі, у гэтым годзе мы цалкам завершым мадэрнізацыю двух нашых НПЗ", - падкрэсліў кіраўнік дзяржавы.
Беларускі лідар папярэдзіў аб існуючай рызыцы "страціць ідэнтычнасць, упусціўшы ў сваё жыццё не ўласцівыя нашаму менталітэту мадэлі". Новыя пакаленні беларусаў павінны помніць і ведаць свае духоўныя і культурныя вытокі.
Кіраўнік дзяржавы канстатаваў важнасць стварэння новых вытворчасцей і працоўных месцаў, укладанняў у развіццё розных галін. "Так, нейкі перыяд часу трэба пацярпець, і потым мы атрымаем эфект, як цяпер атрымліваем ад сельскай гаспадаркі і дрэваапрацоўкі", - адзначыў ён.
"Таму беларуская і наша руская мовы - яны будуць заўсёды здабыткам нашай нацыі. І мы не будзем цкаваць і душыць людзей, каб яны не размаўлялі на рускай мове", - падкрэсліў беларускі лідар.
Прэзідэнт адзначыў, што ў першы дзень з'яўлення новага партала цікавасць карыстальнікаў да яго была высокая, што ўскладніла яго работу. Таму Аляксандр Лукашэнка з доляй гумару папрасіў не праяўляць настолькі масавую цікавасць да сайта Прэзідэнта.
Кіраўнік дзяржавы падкрэсліў: за прадстаўнікамі цяперашняй улады і беларускага народа стаіць пераважная большасць.
Паводле яго слоў, у першую хвалю пандэміі не праблема была закрыць краіну, граніцы, прадпрыемствы, вытворчасці, але з'явілася б шмат іншых праблем, аж да пытанняў забеспячэння прадуктамі харчавання. "Есці што будзем? Помніце маю фразу?" - адзначыў кіраўнік дзяржавы.
Беларускі лідар падкрэсліў, што спорт - гэта аснова здароўя нацыі. І ў краіне ствараюцца ўсе ўмовы для таго, каб заняткі рознымі відамі спорту былі даступны для насельніцтва. У бліжэйшы час, паводле яго слоў, у рэгіёнах плануецца пабудаваць 30 тыпавых фізкультурных комплексаў з басейнамі для плавання.
"Беларуская верацярпімасць і талерантнасць сталі адным з галоўных дасягненняў незалежнай Беларусі", - сказаў кіраўнік дзяржавы.