Më 2024, 23 vende anëtare të Organizatës së Traktatit të Atlantikut Verior (NATO) pritet të përmbushin apo të kalojnë objektivin për investimin e të paktën 2 për qind të Prodhimit të Brendshëm Bruto (PBB) për mbrojtje, krahasuar me vetëm tre shtete më 2014. Udhëheqës të vendeve të NATO-s kanë parashikuar se obligimet financiare do të rriten, mes raportimeve se presidenti i zgjedhur amerikan, Donald Trump, do të kërkojë që vendet anëtare të shpenzojnë 5 për qind të PBB-së për mbrojtje.
