Պետական այցով Չինաստանում գտնվող ՀՀ նախագահ Սերժ Սարգսյանն այսօր Ժողովրդական ներկայացուցիչների պալատում հանդիպում է ունեցել ՉԺՀ նախագահ Սի Ծինփինի հետ, տեղեկացնում է NEWS.am-ը` վկայակոչելով նախագահի մամուլի ծառայությանը:
Ուկրաինայի նախագահ Պյոտր Պորոշենկոն Իգոր Կոլոմոյսկուն հեռացրել է Դնեպրոպետրովսկի նահանգապետի պաշտոնից, տեղեկացնում է ՌԻԱ «Նովոստի»-ն: Փաստաթուղթը ստորագրվել է Պորոշենկոյի ու Կոլոմոյսկու հանդիպման ժամանակ:
Հայաստանի ԱԺ-ն 3-րդ և վերջնական ընթեցմամբ ընդունել է «Ռազմաարդյունաբերական համալիրի մասին» օրինագիծը, հաղորդում է NEWS.am-ը: կողմ է քվեարկել 104, դեմ 2, ձեռնպահ՝ 6 պատգամավոր
«Բարգավաճ Հայաստան» կուսակցությունից դուրս եկած պատգամավորների մասով վերանայումներ կարվեն միջխորհրդարանական պատվիրակություններում: Այս մասին հայտնում է NEWS.am-ը` վկայակոչելով իր պառլամենտական աղբյուրներին: Գործակալության տեղեկություններով՝ միջխորհրդարանական բարեկամական խմբերից, ամենայն հավանականությամբ, ԲՀԿ-ից դուրս եկածներին չեն հանի:
Հայաստանի խորհրդարանը դատապարտել է հույների ու ասորիների ցեղասպանությունը Օսմանյան Կայսրությունում: Համապատասխան բանաձևի նախագիծը կազմել են ԱԺ բոլոր 6 խմբակցությունների ներկայացուցիչները, ինչպես նաև անկախ պատգամավորները: Բանաձևն ընդունվել է 117 կողմ ձայներով, դեմ և ձեռնպահ չի եղել: Փաստաթուղթն ընդունվել է ծափահարություններով, բոլորը ոտքի են կանգնել:
Ուկրաինայի նախկին նախագահ Վիկտոր Յանուկովիչի կրտսեր որդուն հուղարկավորել են Ղրիմում։ «Նա սիրում էր թերակղզին եւ այնտեղ հիմա ապրում են նրա հարազատները», - «Կոմսոմոլսկա պրավդա» պարբերականի հետ զրույցում հայտարարել է նրա եղբայրը՝ Ալեքսանդրը, հաղորդում է NEWS.am-ը:
Ֆրանսիայի հարավում Airbus A320 օդանավ է ընկել, հաղորդում է ՌԻԱ «Նովոստի»-ն: Միջադեպը տեղի է ունեցել Վերին Պրովանսի Ալպեր դեպարտամենտում:
«Նուբարաշեն» ՔԿՀ-ի մոտ հնչած կրակոցների գործով արդեն 11 օր հետախուզվող Ծգլ, Տլե և Գաստիկ մականուններով քրեական հեղինակություններն այսօր՝ մարտի 23-ին, ներկայացել են ոստիկանություն, հաղորդում է NEWS.am-ը: Նրանք ինքնակամ ներկայացել են ոստիկանության կազմակերպված հանցավորության դեմ պայքարի գլխավոր վարչություն, որտեղ այժմ քննչական գործողություններ են ընթանում: Տեղեկությունը հաստատեց ոստիկանության լրատվության վարչության պետ Աշոտ Ահարոնյանը:
Քուվեյթում մարտի 22-ին, ՀՀ դեսպան Ֆադեյ Չարչօղլյանին ընդունեց Քուվեյթի վարչապետ, Նորին վսեմություն շեյխ Ջաբեր Ալ Մուբարաք Ալ Համադ Ալ Սաբահը, հաղորդում է NEWS.am-ը` վկայակոչելով ԱԳՆ մամուլի ծառայությանը:
Հայաստանի խորհրդարանը այն վայրը չէ, որտեղ թույլատրվում է թերուսների ներկայությունը: Այս մասին այսօր՝ մարտի 23-ին, ԱԺ-ում հայտարարել է ՀՀԿ խմբակցության պատգամավոր Սամվել Ֆարմանյանը՝ մեկնաբանելով «Ժառանգություն» խմբակցության պատգամավոր Զարուհի Փոստանջյանի՝ ՀՀ գլխավոր դատախազ Գևորգ Կոստանյանին ուղղված մեղադրանքները, տեղեկացնում է NEWS.am-ը:
