FN: Over éin million internt fordrivne i Haiti

Meir enn ein million menneske, over halvparten born, har no blitt fordrivne i Haiti som følgje av aukande gjengvald, ifølgje Den internasjonale organisasjonen for migrasjon (IOM). Det skriv Reuters.

Dette viser ei tredobling sidan desember 2023, då 315.000 menneske var heimlause.

FN understrekar behovet for vedvarande humanitær hjelp for å redde liv og løyse dei grunnleggjande årsakene til valden. Mangel på tilfluktsrom og grunnleggjande tenester som mat og vatn skapar alvorlege utfordringar.

Væpna gjengar har nærast total kontroll over hovudstaden Port-au-Prince og store delar av landet. Samtidig har ein FN-støtta tryggingsmisjon førebels berre utplassert ein liten del av dei planlagde troppane.

Deportasjonar av migrantar frå Den dominikanske republikken og andre stader har i tillegg lagt ytterlegare press på lokalsamfunna og forverra situasjonen ytterlegare.