Dansk TV 2: Amira Smajic frå «Den sorte svane» dømt til 1,5 års fengsel

Den danske juristen Amira Smajic, kjent frå NRK-serien «Den sorte svane» er blitt dømt til eit og eit halvt års fengselstraff, melder den danske nyheitskanalen TV 2 som har følgt rettsaken dei siste vekene.

Tre av månadane er ubetinga fengsel.

Smajic var sikta for ti forskjellige lovbrot mellom 2016 og 2021, deriblant underslag, dokumentforfalsking og bedrageri av svært alvorleg karakter. Ho blei frikjend frå to av punkta. Juristen er også nekta å driva med juridisk rådgjeving framover.

I dokumentarserien «Den sorte svanen» stilte Smajic opp som muldvarp for gravejournalistar i danske TV 2, der dei ved hjelp av skjulte video- og lydopptak avdekka koplingar mellom dansk næringsliv og organisert kriminalitet, og korleis danske jurister legger til rette for dette samarbeidet.

Men undervegs i innspelinga fant dei fanske journalistane ut av Smajic dreiv eit dobbelspel, som førte til at juristen gjentatte gonger prøvde å stoppa publiseringa av dokumentaren. Etter publiseringa, har den danske juristen opphaldt seg på skjult adresse av omsyn til eigen tryggleik.