Kina svarer USA med toll på amerikanske varer

Kina innfører 15 prosent toll på kull frå USA og 10 prosent toll på enkelte amerikanske varer.

Det er etter at USA sjølv har innført toll mot Kina som trådde i kraft tysdag. Det opplyser det kinesiske finansdepartementet.

Desse trer i kraft frå 10. februar, melder Reuters.

Donald Trump varsla tidleg etter at han blei president at han skulle innføre toll mot Mexico, Canada og Kina.

Også Mexico og Canada varsla like etter mottiltak, men måndag blei det kjent at desse blei sett på vent.

Mange kinesiske produkt har allereie 10 og 25 prosent toll. Og no vil varer til ein verdi av 400 milliardar dollar få ytterlegare 10 prosent toll.

Kina har sendt ei klage til Verdens handelsorganisasjon (WTO) over dei amerikanske tollsatsane.